La poesia inedita di ROSARIO CANNELLA premiata a Marineo

‘NA CIAMARITA

Ti nni và
pi ‘n munnu
senza tempu.

‘Na ciamarita
rutta di lu ventu.
...Oppuru, bo… Cu lu sapi???
Rutta ..., sapiddu quannu!…

La pigghi,
la giri ‘nta li manu…
… Di unni veni???
Nzocch’eri???

Un cocciu...
… un cocciu di ‘na giarra,
d’un canaluni, o di ‘na quartara?
‘Nzoccu???

Quantu cosi putissi cuntari...
di ‘na ciamarita rutta,
‘nta… ‘nta lu…

“...Nun pruvari a capiri” mi dici,
“picchì nun è chistu!
… Mmeci è sintimentu!”

Di crita veni
e ddà a turnari!!!
quannu?!?
...U sapi u tempu!

r.cannella