EZIO SPATARO SCRIVE ANCORA VERSI NEL DIALETTO MATERNO

 

LA SCALUNERA

Nni persimu nta sti scaluna arrizzulati
l'acchianamu scanzannu frasca e ardicula nun sapennu mancu unni s'arriva

Si vidi un pezzu di cielu 

cu li troffi d'erba  ca cci attigghianu la panza, 

ma stu cielu nunn 'arridi 

e pari senza carni e senza sangu.

Lu tempu avanza e lu scaluni cedi, 

l' erba spicannu si fa strata nmenzu a la petra e a nuddu ci vitti ittari la simenza

Ora vulissi ittari la me simenza bona unni passu ma quannu acchianu sti scaluna 

m'addugnu cu li me occhi ca l'erba tinta un mori mai.

EZIO SPATARO

Testo ripreso dal suo blog: http://cavadeipoeti.blogspot.com/