Tu si fimmina,
gridalu!
Sugnu fimmina,
gridalu!
Tu scurdasti
quannu iccasti na vuci
e u duluri
vinni a truvari
puru u
purtusicchiu chiù nicu di la to anima?
E subito dopo
rinascisti
cu to fighhiu
nta li vrazza
ca mancu vulia
ca ti tagghiavanu lu curduni
pi
purtaritullo sempre d' appressu?
Tu si fimmina!
E ancora chi
vai appressu
a nu scaluni
ngrasciatu
ca nun ti voli
grapiri la porta?
Puru ca un si
matri
si figghia di
matri e di sacrifici
e pi stari
unni si
ci nisciste di
nt all occhi.
Coghiti sti
quattru cosi e alluntanati
da cu un ti
duna mpurtanza
da cu ti
scarta,
da cu ti voli
accuntintari cu quattru muddicuzzi.
Tu si fimmina!
Fimmina,
gridalu!
Sugnu fimmina
chidda ca un
si scanta di nenti e di nuddu, chidda chi lotta cu tuttu lu cori
quannu l amuri
è sincero.
Chidda chi si
ni va
e si porta u
rispettu appressu.
Chidda ca lu
sorriso tu lu duna
ma chi ti lu
leva si nun c'è onestà.
Sugnu fimmina,
gridalu!
Chidda ca ti
duna puru la vita
ma chi nta un
colpu ti leva tutti cosi
si veni
tradita.
E u tradimento
unn' è sulu di na manera. Quannu u to omu ti fa mancare
una bon'
amuranza
sta tradennu u
to amuri.
E nun ti
merita.
Coghiti sti
quattru cosi e vatinne.
Nun c'è omu
chi vali quantu la tua dignità.
Tu si fimmina, gridalu!
ROSANNA BADALAMENTI
Nessun commento:
Posta un commento