03 settembre 2016

LAURA LA SALA RICORDA LA MADRE DI PEPPINO IMPASTATO






Sugnu matri  di Pippinu Impastatu
Chistu è me figghiu:
Me figghiu è contru la mafia e li mafiùsi;
Genti cu li manu ’nzangati!!

Me figghiu era figghiu di so patri
Mafiusu, puruiddu,
comu tutti li so parenti.
Me è purufigghiu di so matri;
e io la pensu e l’aiju sempri pinsatu comu iddu.

La mafia è chidda ca ti leva la cuscienza:
e ti leva la vita ntempu di nenti!
A me casa, nun fici mai trasìri certa genti
Quannu mi fici zita; eru nnucenti!

Di mafia e di mafiusi, nun capia nenti..
Ora ù sacciu: è cca nta stu tabbutu!
Cca nun c’è me figghiu;
ci su pizzudda di ossa.

Me figghiu, sunnu tutti ddi picciotti
Figghi di la Sicilia, sbinturata!
Ca ci livaru,parola cuscenza e dignità..
Me figghiu: gridava strati, strati, giustizia,
nsemmula a genti onesta.

Iufinu a quannu chiuju l’occhi,
vogghiu dignità e giustizia, pi la Sicilia e pi me figghiu..
Iu sugnu matri,
no mafiusa..!

Laura La Sala

Nessun commento:

Posta un commento