NOVU ANNUNZIU
Quannu Ancilu scumparì di la so vista
‘n-filu d’oru pirciò di na fissura
e rittu rittu s’azziccò nnâ carni
di Maruzza. Scantata, ‘a picciuttedda
si tuccò la panza e ntisi tempu nenti
un focu granni dintra lu so ventri.
Chi fazzu? Chi ci cuntu a me matri?
E chi ci cuntu a Peppi
c’arricogghi ogni jiornu girsuminu
pi la curuna di la me nnuccenza?
E si sintì lu cori anniricatu
comu quannu lu suli a la ntrasatta
si l’agghiuttinu ‘u ventu e la timpesta.
Si misi a caminari all’urbigna
e passu passu s’attruvò davanti
a la preula di la vecchia Betta.
“Figghia, cu ti ci porta nnâ sti banni?
Picchì hai sta facci tristi e custirnata?”
Maruzza ci affirrò li mani sicchi
e cuminciò a vasalli.
“Sugnu china d’affanni, matri Betta.
Un picciotto cu li capiddi biunni,
un magu, forsi, o puru ‘n-fattuccheri,
mi fici na tinta magaria.” E
s’appuiò li parmi supra lu ventri.
“Nun aiu nnȏ cori ummira o piccatu
ma chiù nun sugnu digna
di taliari nna l’occhi lu me zitu.”
“Chista è Grazia di Diu,‘un ti scantari.
Tuttu po’ lu Signuri e puru iu,
funtana sdirubbata e senza sangu,
sugnu pronta a sgravari.
Li nostri figghi hannu distinu uguali.
chiamati nni sta terra
pi fari beni all’omini dȏ munnu.
Biniditta si’ tu, Maruzza,
ca custudisci stu tisoru granni.”
La virginedda si misi a ginucchiuni:
“Sugnu la serva Vostra, o me Signuri.”
ANNA MARIA BONFIGLIO
Ecco la versione italiana dei versi di sopra proposta dalla stessa poetessa
Nuovo Annunzio-
Quando Angelo scomparve dalla sua vista/un filo d’oro penetrò da una fessura/e dritto dritto si confisse nella carne/di Maria. Impaurita la ragazza/si toccò la pancia e subito sentì/un grande fuoco dentro il ventre./Che faccio? Che racconto a mia madre?/E che racconto a Giuseppe/che raccoglie ogni giorno gelsomini/per la corona della mia innocenza? E sentì il cuore farsi nero/come quando il sole all’improvviso viene inghiottito dal vento e dalla tempesta./Si mise a camminare alla cieca/e passo passo si ritrovò davanti/alla pergola della vecchia Betta./ “Figlia, cosa ti porta da queste parti?/Perché hai questo viso triste e costernato?”/Maria le afferrò le mani rinsecchite/e cominciò a baciarle./ “Sono carica d’affanni, madre Betta./Un giovane con i capelli biondi/un mago, forse, oppure un fattucchiere,/mi fece una stregoneria.” E /appoggiò i palmi sopra il ventre./ “Non ho nel cuore ombra o peccato/ma non sono più degna/di guardare negli occhi il mio promesso sposo.”/ “Questa è Grazia di Dio, non avere paura./Tutto può il Signore ed anche io,/fontana diruta e senza linfa,/sono pronta a sgravare./I nostri figli hanno uguali destini,/chiamati in questa terra/per fare il bene degli uomini di questo mondo./Benedetta sei tu, Maria,/che custodisci questo gran tesoro.”/La verginella si mise ginocchioni:/ “Sono la serva vostra, o mio Signore.” (Anna Maria Bonfiglio)
Nessun commento:
Posta un commento