Per tanti giovani, oggi, la Sicilia è una "terra matrigna". L'ha ben visto e detto in questi giorni Domenico Passantino, un caro collaboratore di queste pagine:
Terra matrigna
è chista unni nascivu,
terra chi t’arrimmutta
e pari ca u fa pi currivu.
Terra bella ca megghiu un ci nn’è,
terra di mari, di muntagni e ‘nzoccu è gghiè,
ti pari ca hai tutti i cosi quannu si nicu tu,
ma poi crisci, e viri ca ti manca u megghiu cchiù.
Terra c’agghiorna rirennu, e ti saluta,
terra chi tussìa e ti sputa
picchì è malata,
terra scurdata ri Diu
e disperata,
terra unn’è chi lustru unni viu,
terra di genti crisciuti ‘nmenzu a strata.
Terra chi scura russigna
‘nmenzu u mari
e ti ‘nzigna
a taliari
e a agghiuttiri sputazza,
terra buttanazza
chi s’abbrazza
tutti i latri e traritura;
terra, casa di tutti senza mura:
biviratura vecchi e abbannunati,
u suli scodda e avemu i cavusi sfunnati,
scodda u suli darreri i zabbari,
l’alivi e i ficurini,
i varchi pi piscari,
i chiesi e i fistini…
terra,
Matri senza minni,
chi ti dici:
‘vatinni’.
Nessun commento:
Posta un commento