GIUFA'

 

Giufà

Sintiti chi fu, sintiti chi fa,

Giufà n'ha fattu, ni fici e ni fa.

Na vota so matri, jennu a la missa,

ci dissi: Si nesci, tiriti 'a porta.

Allura sapiti Giufà soccu fa?

Scippa la porta e ci la porta.

Pigghiava la vita cu l'alligrizza,

cummina, cummina, chi poi s'addrizza;

certu pruvò qualchi vota amarizza,

ma di 'i so' occhi mai niscìu na stizza.

Sintiti Giufà chi spirtizzi chi fa.

Sintiti chi fu, sintiti chi fa,

Giufà n'ha fattu, ni fici e ni fa.

Na vota virennu la luna nta un puzzu,

va pi pigghialla cu corda e quarazzu;

forti tirò e la corda spizzò,

cascannu narrè o so postu la luna turnò.

Pigghiava la vita cu l'alligrizza,

cummina, cummina, chi poi s'addrizza;

certu pruvò qualchi vota amarizza,

ma di 'i so' occhi mai niscìu na stizza.

Sintiti Giufà chi spirtizzi chi fa.

Sintiti chi fu, sintiti chi fa,

Giufà n'ha fattu, ni fici e ni fa.

Na vota so matri, sintenza ditta,

ci dissi: Pi cena du' ciciri etta!

Leggia 'a quarara turnannu truvò:

unu s'è prontu e l'autru pi sali tastò.

Pigghiava la vita cu l'alligrizza,

cummina cummina chi poi s'addizza;

certu pruvò qualchi vota amarizza,

ma d''i so occhi mai nisciu na stizza.

Sintiti Giufà chi spirtizzi chi fa.

Mmè, mmè, mmè,

tutti li pecuri fannu mmè;

crapi, scecchi, saggi,

latri, chiova, ova e re.

Spingula, spingula maestrina,

maestrina e na regina

na regina, na spagnola,

tiritituppiti e nesci fora.

Fora quaranta lu munnu canta,

canta lu 'addu e si la vanta,

affacciatu a la finestra,

tri palummi a la so destra.

'Addu, 'addina Palermu e Missina,

'addu, 'adduzzu Catania e Milazzu,

'addu, 'addittu Ragusa e Malettu,

guardate Giufà cosa dice che ha detto.