" CU APPI FOCU CAMPAU, CU APPI PANI MURIU "

 

CU APPI FOCU CAMPAU,

CU APPI PANI MURIU

Na vota cc’eranu na pocu di marinara chi navicavanu. Era tempu ri nvernu, e lu friddu si muria, ca macari li punti di li nasi cadìanu. Succedi ca si nni vinni lu malutempu, e lu bastimentu, sbatti ccà, sbatti ddà, detti ad acqua e iju a funnu. Li marinara comu vosi Diu, natannu natannu, junceru nterra. Ddà cc’eranu genti e tutti cuminciaru a da ricci un so chi d’aiutu.Parti di sti marinara jeru nta na casa, e parti nta n’autra; chiddi di ddà casa appiru pani, ca avia assai ch’un manciavanu ed eranu morti di fami: l’autri dumannaru na vampicedda pi quadiarisi, ca eranu ncazzuluti di friddu. Tant’è ca lu nnumani chiddi ch’avianu manciatu si truvaru tisi tisi morti di friddu, e chiddi chi avianu pinsatu a quadiarisi, eranu vivi comu tutti l’autri. Accussì nni vinni ca Cù appi focu campau e ccu appi pani muriu.

Pippo Oddo