08 agosto 2018

LACRIME di ELISA BIVONA

elisa bivona


Sti lacrimi mì li sentu rintra a carni
Mi fannu purtusi nì li vrazza nì li ammi
Nta lu pettu
nta lu cori

L'anima mia u sà ca chissi su lacrimi di nnuccenti
Di figghi e di matri
Ca nun'hannu chiù la forza di natari
Iddi un si li chiueru l'occhia
Picchì vulianu taliari chiddu ca c'è nfunnu a u mari
Vuliano abbidiri cu l'avissi circatu
Cu l'avissi chianciutu e cu l'avissi arricurdatu
E sù dì occhi ca chiancinu ancora e inchinu lu mari ca ni vagna
E nnì l'asciucamu rincoddu
Cu l'occhi nostra chiusi
picchì chiddi nostra unn'hannu a bidiri chiddu ca c'è
ma l'hannu a sentiri
picchì rintra u cori tuo ddi lacrimi hanna a bruciari
come l'acitu  


eb

Nessun commento:

Posta un commento