FRANCESCA DI MARCO suona e balla oltre a scrivere poesie.

Francesca Di Marco  (Ph. di Maria Ribaudo)

       Trovo miracolosa la resistenza dei dialetti in tempi di globalizzazione  e di crescente omologazione. Pasolini, che amava i dialetti, aveva previsto la loro scomparsa considerandoli espressione di un mondo (quello contadino) destinato a scomparire. In effetti il mondo contadino è scomparso ma i dialetti no. Specialmente nel meridione resistono e tanti giovani ancora lo parlano.   Francesca Di Marco, una giovane insegnante di Marineo (PA), oltre a parlarlo, sa anche scriverlo. E di seguito potete leggere alcuni suoi versi scritti nel dialetto che ancora si parla nel paese.   fv 

SONNU VIGGHIALORU

M’ammucciu darrè ‘a luna

M’ammucciu e cercu furtuna

‘a luna dormi u suli ‘un spunta

Vaiu e volu cu na trapunta

Di stidda afferru na faidda

Mi ci mettu ‘ncapu e volu ‘ntidda

Volu e vaiu, vaiu e volu

Cu na stidda mi cunsolu

Arrivanu tri re di suli arracamati

Arridu comu foddu “Comu siti cuminati?”

“La curuna persimu e puru lu cappeddu

Suli arraccamatu ‘ncapu u’ sciccareddu”

‘U sciccareddu chianci e fa cazzicatummuli

Arridinu li re e furrianu comu strummuli

‘a luna dormi u suli ‘un spunta

Un sugnu sula, s’affuddà a trapunta

Tri cavaddi cu cianciani

‘Na prucissioni di cristiani

Cani e atti a tignitè

“Chi ci faciti ccà darrè?”

“ ’U lustru assicutannu

A tia emu circannu

Pi diri sulu ‘na cosa:

La fortuna è di chi osa”

A luna dormi, ‘u suli ora spunta

Nna ‘u lettu è cavuda ‘a trapunta

Salutu allegra ‘a me faidda

E, nn’o cuscinu, luci di stidda.

SOGNO IN DORMIVEGLIA: mi nascondo dietro la luna/mi nascondo e cerco fortuna/la luna dorme, il sole non spunta/vado e volo con una trapunta./ Di stella afferro una favilla/ mi ci metto sopra e volo diritta (portamento elegante, imponente)/Volo e vado, vado e volo/con una stella mi consolo./ Arrivano tre re con fili di sole ricamati/rido come folle “Come siete combinati?”/ “Abbiamo perso la corona eppure il cappello/ sole ricamato su di un asinello”/ L’asinello piange e fa capriole/ridono i re e girano come trottole/ La luna dorme, il sole non spunta/non sono sola, si è affollata la trapunta./ Tre cavalli con sonagli, una processione di persone/cani e gatti a volontà/ “Che ci fate dietro, qua?”/”Il bagliore seguitando, te andiamo cercando/per dire solo una cosa: “la fortuna è di chi  osa”/ La luna dorme, il sole ora spunta/nel letto è calda la trapunta/saluto allegra la mia favilla/e, sul cuscino, luce di stella

***

DISIÀTA

Comu parma ca è ciuruta

comu bannera di biddizza

passi a ‘u me latu e ‘na taliata

io vulissi, e ‘na carizza

Unni  sta tu?  D’unni veni?

Unni ti pozzu iu truvari?

Mancu ‘u ventu leva li me peni

Sciuscia- e un sacciu unni circari

Milli voti t’aiu circatu

Milli viculi e vaneddi

Stu me cori t’ha addisiatu

Comu notti senza stiddi

La to manu posi leggia

-mentri abballi- nn’ ‘a me spadda

Lu me cori si fa reggia

M’arridi e luci comu stidda

Ciuri di zagara ‘mprofumata

Io t’abbrazzu e strinciu forti

Mentri mi duni na vasata

St’amuri cancia la me sorti

Milli voti m’ha circatu

Milli facci di la genti

Lu to nomu aiu suspiratu

E ‘nta lu cori tu lu senti

Stanotti io ti cercu ancora

Sintimentu di la me vita

Ti nni isti e –sulu- ora

Mugghieri mè, troppa fatica

DESIDERATA: Come palma fiorita/come vessillo di bellezza/ mi passi accanto e una guardata (sguardo)/ io vorrei,e una carezza

Dove abiti tu?Da dove vieni?/Dove ti posso io trovare?/Neanche il vento allevia (mi toglie)le mie pene/ soffia e non so dove cercare

Mille volte ti ho cercata/mille vicoli e stradine/il mio cuore ti ha desiderata/come notte senza stelle

La tua mano appoggi leggera/mentre balli, sulla mia spalla/il mio cuore si fa reggia/ridi e brilli come stella

Fiore di zagara profumata/io t’abbraccio e ti stringo forte/mentre mi dai un bacio/quest’amore cambia la mia sorte

Mille volte mi hai cercata/mille volti della gente/il tuo nome ho sospirato/e nel cuore tu lo senti

Stanotte io ti cerco ancora/sentimento (ragione) della mia vita/te ne sei andata e, solo, ora/moglie mia, troppa fatica.

***

MANU E TAMMURU

Manu di focu e tammuru di terra

Sonu pi gghiocu e contru la guerra

Stiddi ntall’occhi, mari nno cori

Ssa tradizioni nno me sangu nun mori

Manu di terra e tammuru di focu

A lu me cantu ci dunanu locu

L’aria tagghiu cu tammuru e manu

Scacciu u dimoniu e lu mannu luntanu

Manu di carni e di peddi u tammuru

Ca siddu io vogghiu allavancu stu muru

Di li vostri taliati cu ll’occhi strammi

Mentri abballu fin’ammuddarimi ‘i ammi

Lu ventu sugnu chi ciuscia forti

Sonu e abballu contru la morti

MANO E TAMBURO:  Mano di fuoco e tamburo di guerra/suono per gioco e contro la guerra/Stelle negli occhi, mare nel cuore/ questa tradizione nel mio sangue non muore/ Mano di terra e tamburo di fuoco/al mio canto danno loco/fendo l’aria con tamburo e mano/scaccio il demonio e lo mando lontano/ Mano di carne e di pelle il tamburo/se io voglio faccio crollare questo muro/ dei vostri sguardi con gli occhi strambi (storti)/ mentre ballo fino a non reggermi le gambe/ Sono il vento che spira forte/suono e ballo contro la morte

Francesca Di Marco