11 dicembre 2018

LA NOSTALGIA DI EZIO SPATARO





Darrè la frenza


Lu tempu c'avanza
si mancia la frenza
nta tutti li so magghi
si nsidia la frasca
di lu "veni e cogghi"
si persi la fama
di lu "cogghi e mancia"
si persi lu distinu

Li vecchi scorci 
di ficu munnati 
li beddi vraccoca
nta l'arbuli lassati
li puma nterra
purriti e pizzuliati
di tutti chisti cosi
chianci lu iardinu

Nta ddu pedi d'aliva
persi lu panaru
nta dd'ogghiu di trappitu
cuvava lu me amaru
nta umitu e prinospira
truvavi lu me dannu
dda nzolia e ddu zubibbu
mi trassiru n'ingannu

Nta ddu pumadoru
si persi la me manu
nta dda tavula d'astrattu 
si persi la cucchiara
m'arresta lu russu
d'un tempu sbiadutu
m'arresta lu giallu
di surfaru ittatu
di quannu lu ventu
ciusciava arrabbiatu




EZIO SPATARO 

da   http://cavadeipoeti.blogspot.com/2018/12/darre-la-frenza.html

1 commento:

  1. Credo che siamo di fronte ad una delle più belle liriche di Ezio.Un rimpianto struggente del tempo passato e perduto...

    RispondiElimina