12 settembre 2016

UN FRUTTO SIClLIANO VISTO DA LAURA LA SALA



LA FICUDINIA

Spinusa comu na fimmina prizìusa
pi mancialla c'ha livari la cammisa
prima tagghi la testa,li vrazza,li ammi,
po rapi lu pettu: e t'arriva la sputazza nmucca.
Sucusa comu lu latti di na matri,
gustusa prilibata
Nun una dui tri: su comu li vasati
nun ti sazii mai!
Sunnu comu lu cori,
sì scummogghi la so biddizza,
bianca viola o gialla.
Ancora nun mi raccapizzu:
La ficudinia nascì,  in India
o n'Sicilia?

Laura La Sala

Nessun commento:

Posta un commento