FILASTROCCA

 

ph. di Enzo Sellerio, Pertinico 1955.

Palummedda bianca bianca

chi ci porti nta sta lampa?

< Eu ci portu pani e vinu,

pi la suppa a lu bamminu >.

Lu bamminu ‘un voli suppa

chi ci avvampa la vuccuzza,

la vuccuzza è china di meli

viva viva San Micheli.

San Micheli sparma l’ali,

viva viva San Pasquali,

San Pasquali è chinu d’amuri

viva viva nostru Signuri.

San Micheli acchiana n celu

pi sunari li tri campani,

li tri campani su sunati

viva viva la Trinitati,

la Trinitati è a lu cummentu,

viva viva lu Saramentu.

Lu Saramentu è a la batia

viva viva Rusulia.

Rusulia quannu era nica

sinniu a vestiri di ‘rimita;

lu Signuri si la chiamau

e n Paradisu si la purtau.

A li quattru Cantuneri

ci su' quattru beddi artari

e la musica dicia

viva Santa Rusulia.