MARINEO NEL RICORDO DI ANTONINA LI CASTRI

 

Foto di Marineo (PA) fatta da Ciro Salvino Mastropaolo

Mi piace riproporre oggi i versi in lingua siciliana di Antonina Li Castri emigrata negli U.S.A. tanti anni fa. Il suo dialetto mi fa pensare a quanto scrisse un giorno Leonardo Sciascia a proposito di un altro dialetto, forse ancor più antico, "integrale e lontano, come una restituzione alla memoria, all'infanzia, alla vita dei nostri paesi [...]; e da far pensare anche alla parlata dei nostri emigrati che tornano dopo mezzo secolo, alle parole che hanno conservato come in vitro, nel vitreo immobile ricordo della povera vita di allora - diversamente povera oggi". (fv)

LA ME SICILIA

Chi pozzu diri
Ormai e’ accussi luntana
Anni ca passanu dopu anni
E la luntananza s’assetta
Nna ddu postu ca chiamamu ricurdanza
E ricurdari sulu ponnu fari
Chiddi ca a la Sicilia
Un pottiru mai chiu’ ciarari….

Li mennuli sciuruti
La zaaredda di lu limiuni
Li rosi villutati
L’alivi cunzati
Lu pani friscu friscu
L’aranci e mandarini
La ricotta appena fatta
Lu seru cavudu cavudu
Lu suli ca facia stancari
Li stiddi di la sira
La luna china china
Li ciuri di primavera
La nivi fridda fridda
Li giluna a li pedi pedi
Lu luci ca nni cuadiava
Fimmini a la pila
La roba si stinnia
Picciriddi a lu pettu di li matri
Giovanotti mpustati a li cantuna
Aspittannu n’occhiata di cuarcuna
Campani c’anninciavanu la missa
Parrini ca pridicavanu in Latinu
Monachi ca si susianu lu matinu
Pulitici, comunista, socialista e democratici
Au bar facianu quattru chiacchiarati
Carnivali ia e binia
Ballari si facia
E tartaneddi si cucia.

San Giuseppi la tavulata vulia
La prucissioni passava pi li strati
E la pasta cu li sardi e finocchi si manciava
La festa di lu santu prutetturi
Purtava la genti a ogni cantuni
Televisioni nn’avianu arcuni
E la genti nt’oinvernu iucannu a li carti
Lu tempu passava.

La vita era semplici
Ricchizzi materiali
La genti un gudia
Ma la Sicilia d’aeri pi mia
Era na vera allegria
E ora e’ sulu na luntana malincunia.

Poesia di Antonina Li Castri