GIOVANNI MELI, Dimmi, dimmi, apuzza nica

Abbiamo pubblicato qualche settimana fa un articolo di Amelia Crisantino per ricordare Giovanni Meli (1740 – 1815). Il Centro di studi filologici e linguistici siciliani ha programmato un apposito Congresso di studi per analizzare e discutere l’opera del poeta palermitano in occasione del bicentenario della sua morte. 

A noi oggi piace ricordarlo con una sua famosa poesia:

Dimmi, dimmi, apuzza nica

Dimmi, dimmi, apuzza nica,
unni vai cussì matinu?
Nun c’è cima, chi arrussica,
di lu munti a nui vicinu;

trema ancora, ancora luci
la ruggiada ‘ntra li prati;
dun’accura nun ti arruci
l’ali d’oru delicati.

Li ciuriddi, durmigghiusi
‘ntra li virdi soi buttuni,
stannu ancora stritti e chiusi
cu li testi a pinnuluni.

Ma l’aluzza s’affatica!
Ma tu voli e fai caminu.
Dimmi, dimmi, apuzza nica,
unni vai cussì matinu?

Cerchi meli? e s’iddu è chissu,
chiudi l’ali e ‘un ti straccari;
ti lu ‘nzignu un locu fissu,
unni ài sempri chi sucari:

lu canusci lu miu amuri,
Nici mia di l’occhi beddi?
‘Ntra ddi labbri c’è un sapuri
na ducizza chi mai speddi;

‘ntra lu labbru culuritu
di lu caru amatu beni
c’è lu meli chiù squisitu:
suca, sucalu, ca veni.