Marilina Giaquinta
Peniàre ti fazzu d’amuri
e lu cori t’ammaccu e ti stringiu
dintra lu pettu tu vegnu a livari,
ti traffichìo tutto paro e ti scunsòlo
e t’ammucco com’un cannolo
e t’allicco com’un ghiacciolo
e ti stennu ‘nterra com’un linzolo
ti consumu com’’i scappi do pillirino
ti scianco com’’a carina do contarino
e ti spicchìo e ti smunciunìu e poi ti sputu
come li semi di lu mannarino,
t’incuddurìo li mani cu lu spacu
accossì non mi poi cchiù firmari
e ti vasu e ti vasu e ti vasu
che la to’ ‘ucca non si po’ staccari
li manu t’insapùno d’incoddru
che li carizzi non li po’ cuntari
e ‘a to vuci mi vogghiu sucari
che non ti fazzu cchiù ciatari
e mortu ti lassu e vacanti
che di mia non ti po’ mai saziari.
E tu ti movi e ti movi, ti movi
e ti lamenti e t’arrimìni e ti tormenti
com’un arbore sbattoliato
da la furia di tutti li venti
picchì senza di mia non sai stari
e ogni notte cu lu malu pinseri
mi veni a circari.
Veni cà! chi ci fai luntanu?
che si la morti ti piglia
arresti cù nenti nde manu.
Marilina
Giaquinta
Nessun commento:
Posta un commento