FRANCESCA DI MARCO, C' è 'na notti

ph  maria ribaudo

      Una struggente poesia d'amore scritta nel dialetto antico di Marineo che Francesca ha appreso dai suoi genitori:

C'È 'NA NOTTI (ca sparru)

C'è 'na notti ca è notti di scuru
c'è un cori ca di notti è cchiù duru
ci su li me occhi di vampa di focu
c'è la to vucca ca 'un vogghiu pi gghiocu

Scavusi 'i pedi nudu lu cori
inchi la luna ca l'arma mi doli
occhi tagghienti cori nta 'i spini
man' 'i ruvetta mari 'nta 'i vini

Cala notti isa luna
'nsonnu veni la furtuna
adduma stidda vola ventu
pens'a mia ca si cuntentu

Lentu lu ciatu nudda parola
mi perdu nnadd'occhi chini di viola
dammi la vuci dammi li manu
strincimi forti e po vulamu

Nna lu scuru c'è sempri 'na luci
Nna stu silenziu arriva 'na vuci
"Di la notti 'un ti scantari
ca la luna av' abballari"

Cala notti isa luna
'nsonnu veni la furtuna
adduma stidda vola ventu
pens'a mia ca si cuntentu

"e la strata chi tu pigghi
è bona si talii 'i stiddi"

Vittina