Cerca ri essire comu u vento
ca' suscia e un talia nenti
Scummina i to' capiddi
stocca si nfila, frisca e nsurdisci
Passa vaddi, muntagni, chianu e mari
e nun si ferma.
Arrimina, arrisacca e misca u bono e tinto.
Cerca ri essire comu iddo
un t'appricare, un ti firmari
frisca forti sempre
Cu' tuttu tia stissu
cu' tutta a to' forza
cu' tutta a to' raggia
cu' tuttu l'amuri
cu' tutta a siti e u pitittu chi hai.
Frisca forti
comu quanno
Iddiu si nfila menzu i canni vicini u ciumi
Comu quanno menzo i petri ri muntagni
a picca a picca
l' alliscia e rumpi.
Vincenzo La Lia, gennaio 2018
Nessun commento:
Posta un commento