18 dicembre 2013

IGNAZIO BUTTITTA: MAFIA E PARRINI...








              Oggi mi piace tornare a parlare di Ignazio Buttitta.  E voglio farlo riproponendo, oltre ad alcuni video dedicati alla sua memoria, un suo testo dimenticato dei primi anni sessanta quando Gnaziu era in prima fila contro  "mafia e parrini": 

La mafia non è la peste, non è la carestia

e nemmeno la guerra; ma come la carestia, la peste

e la guerra, fa danni e semina morte.



Sicilia e mafia sunnu du' cosi,

lu stissi comu diri, spini e rosi;

du' cosi diffirenti pi natura,

la mafia feti, e la Sicilia odura!



Li mafiosi un su' siciliani,

sunnu razza bastarda comu i cani;

non sunnu nostri amici e parenti

e in comuni non avemu nenti.



L'amici di la mafia su' certuni

all'apparenza nobili persuni,

divoti di la fidi e di li santi

cu funzioni e ncarichi mpurtanti,

ed hannu a Roma - evviva a capitali!-

sede fissa e quartiere generale.



Su' seculi c'ammolanu i scagghiuna:

la mafia ngrassa e vuncia li primula,

si mudirnizza, allarga li so riti,

diventa dirigenti di partiti.



Tutti l'appalti e li cuncissioni

la mafia l'amministra e nni disponi:

la mafia arrobba, la mafia siggi,

la mafia suttametti a la so liggi.



La liggi di la mafia è la lupara

e a cu non piaci, la mafia ci spara:

cu vidi e sapi, si non fa lu mutu,

s'accatta a fossa e s'accatta u tabbutu.



P'amuri di la vita ognuno taci

e supporta la mafia santa paci:

non è omertà, non è vigliaccheria

si l'omu onestu un havi garanzia.



Lu mafiusu è garintutu, e sapi,

ca quannu ammazza, currinu i so capi:

i prutittura, li suttamarini,

complici ed alliati a l'assassini

ca càncianu li carti, e tempu un nenti,

e l'assassinu diventa nnuccenti.





Dici la mafia, si niscemu assolti,

megghiu ammazzari e siminari morti:

turnumu chiù rimuti a li paisi,

viva la mafia e li corti d'Assisi!



Tornanu chiù timuti, si capisci,

la fama avanza e lu prestigiu crisci;

e la patente di COPPULA TORTA

comu un trofeu davanti la porta.



E nni li chiazzi - nsignu di rispettu -

passìanu cu lu sinnacu a brazzettu;

e li parrini, pi fàrisi onuri,

amici si ci fannu e cunfessuri;

li fannu capi di lu cumitatu,

e cunfunninu Cristu cu Pilatu.



Doppu tant'anni di sangu a timpesta

ora u guvernu dicisi l'Inchiesta;

però sapemu li siciliani

ca è na farsa, e cani un mancia cani;

e finirà ad Opira di pupi!
 

Nessun commento:

Posta un commento