ATTENTI ALLA CAVA!

     Ringrazio Ezio Spataro che è riuscito a trovare le parole finora mancate a tutti:

Cave cavem *

Si mancianu la muntagna

comu si spizzuliassiru pani

e a manu a manu

si futtinu puru lu muddicuni

pinzannu a li dinari

c'assummanu nta lu casciuni

e quannu la crusta cedi

e nun c’è cchiù pani di cavari

ncapu li cristiani 

fannu cadiri petri 

comu li stiddi di natali.

E  l’attività cummirciali ?

Chiddi ponnu chiuiri

nfinu a quannu c'è pirciali
anzi, capaci ca a Natali

cocchi stidda

putissi ancora sciddicari !

Ficiru comu lu surci a la nuci 

si pigghiaru lu tempu di pirciari

e stu paisi comu s’arridduci

ora nuddu lu sapi spiari,

a la trasuta di mmernu

si sapi però

ca lu pani sta finennu

Spizzuliaru a ringu a ringu

facennu sordi comu a bingu

e lu pani a sta genti

ora cu cci lu duna ?

Ora ca cci manca la terra

e nun ci serbinu li zzapuna.

Sutta l'arbulu di Natali
nenti sciampagna e nenti panittuni

pi genti scampata a lu spitali

sa cchi cci parsi

ddu pezzu di custuni

na sganga di cubaita

o un pezzu di turruni ?

Ezio Spataro  
da http://percorsipoeticiabrannu.blogspot.it/2016/12/cave-cavem.html

*  Ezio, con un gioco di parole ed una evidente licenza poetica che non tiene conto della grammatica latina, ha trasformato l'antico motto latino CAVE CANEM (Attenti al cane) in CAVE CAVEM per indicare il pericolo che ancora costituisce la Cava che sta facendo franare una montagna compresa tra il territorio di Marineo e quello di Misilmeri.  fv