L' originale "Simposio dei poeti marinesi" , ideato da Nuccio Benanti, domani approda alla sua VII edizione. Di seguito pubblico una inedita poesia, scritta nell'antico dialetto marinese, da una cara amica emigrata giovanissima negli USA. Lunga vita alla poesia!
LA ME SICILIA
Chi pozzu diri
Ormai e’ accussi luntana
Anni ca passanu dopu anni
E la luntananza s’assetta
Nna ddu postu ca chiamamu ricurdanza
E ricurdari sulu ponnu fari
Chiddi ca a la Sicilia
Un pottiru mai chiu’ ciarari….
Li mannuli sciuruti
La zaaredda di lu limiuni
Li rosi villutati
L’alivi cunzati
Lu pani friscu friscu
L’aranci e mandarini
La ricotta appena fatta
Lu seru cavudu cavudu
Lu suli ca facia stancari
Li stiddi di la sira
La luna china china
Li ciuri di primavera
La nivi fridda fridda
Li giluna a li pedi pedi
Lu luci ca nni cuadiava
Fimmini a la pila
La roba si stinnia
Picciriddi a lu pettu di li matri
Giovanotti mpustati a li cantuna
Aspittannu n’occhiata di cuarcuna
Campani c’anninciavanu la missa
Parrini ca pridicavanu in Latinu
Monachi ca si susianu lu matinu
Pulitici, comunista, socialista e
democratici
Au bar facianu quattru chiacchiarati
Carnivali ia e binia
Ballari si facia
E tartaneddi si cucia.
San Giuseppi la tavulata vulia
La prucissioni passava pi li strati
E la pasta cu li sardi e finocchi si
manciava
La festa di lu santu prutetturi
Purtava la genti a ogni cantuni
Televisioni nn’avianu arcuni
E la genti nt’oinvernu iucannu a li carti
Lu tempu passava.
La vita era semplici
Ricchizzi materiali
La genti un gudia
Ma la Sicilia d’aeri pi mia
Era na vera allegria
E ora e’ sulu na luntana malincunia.
Antonina Li Castri
Nessun commento:
Posta un commento